Veni ccà
Spìcciati, veni ccà, dammi sti manu,
e parramu d’’a vita e d’’a tò vita.
Com’ è ca non mi vardi e cali l’occhi?
Picchí ti scanzi, picchí resti mutu?
‘U sai ca non poi fìnciri cu mia:
ti leggiu dintra, e chistu non ti piaci;
ma suddru è veru ca ti servi aiutu
fammi capìri zoccu pozzu fari.
L’occhi sfujenti parranu ppi tia,
e iò mi sentu ‘i petra, senza ciatu:
vurria lèggiri tutti i tò pinzeri,
capiri stu duluri chi t’affliggi.
Semu vicini e arristamu luntani:
comu ‘u suli ccu ‘a luna addivintammu
ma non avemu cchiù ddra beddra luci.
Dimmi chiddru chi hai, ‘ssettati accantu,
ritorna picciriddru ppi na vota:
ppi mia si’ sempri ‘u stissu, si’ ‘a mè vita,
e non ti pozzu vidiri accussì.
Veni ccà, cchiù vicinu, ‘nte me’ brazza,
fammi sèntiri si ti batti ‘u cori:
vogghiu ca ti cunvinci chi ppi tia,
sugnu capaci ‘i rrivutari ‘u munnu.
Traduzione
Vieni qui
Sbrigati, vieni qui, dammi queste mani,
e parliamo della vita e della tua vita.
Com’è che non mi guardi e abbassi gli occhi?
Perché ti scosti, perché resti zitto?
Lo sai che non puoi fingere con me:
ti leggo dentro, e questo non ti piace;
ma se è vero che ti serve aiuto
fammi capire ciò che posso fare.
Gli occhi sfuggenti parlano per te,
e io mi sento di pietra, senza fiato:
vorrei leggere tutti i tuoi pensieri,
capire questo dolore che ti affligge.
Siamo vicini e restiamo lontani:
come il sole e la luna siamo diventati
ma non abbiamo più quella bella luce.
Dimmi quello che hai, siediti accanto,
ritorna bambino per una volta:
per me sei sempre lo stesso, sei la mia vita,
e non ti posso vedere così.
Vieni qua, più vicino, tra le mie braccia,
fammi sentire se ti batte il cuore:
voglio che ti convinci che per te
sono capace di rivoltare il mondo.
in copertina: uno scatto di Letizia Battaglia in mostra a Rio de Janeiro
Meravigliosa. Per me impossibile non apprezzara e non commentarla