Cambiare ? Ma parchè mai ?
L’ignoranza campa ben co’i so’guai.
Intanto, pì ca se-se contenta
piassè gnoranti se diventa,
la presunsion la slusega
onde la sapiensa s’infumega.
Dobia so’ sta al marcà,
tante spose asse’ indafarà
par comprare el magnare
e po’ scapare a laorare.
Xe gran lusso el pensare
par quel che ghe xe da fare,
ancor de pì, pensarghe ben
parchè a tuti ghe convien.
I magoghi che comanda
xe da banda organizzà
fa crepare i sensa fià.
Gioventù e fioi cari
contemo quanto i paracari
cossi de brigantade a so stuffo
co sta rassa rogante, a mi baruffo.
Umiltà xe roba vana
par rapaci de sta bassana.
Tiremo fora la bandiera
parchè riva la primavera.
Mi no son on forcarolo
no me piase nessun tirà de colo.
Vardo el ben de tuti quanti,
dei drughi e de noaltri gnoranti.
Sii il primo a commentare