Celenti Siorie, saere volì on me pensiero
sora sto’ tristo mondo, agudin e severo ?
Mi zolo col vento e ciucio de gusto
on gran bocale de rosso, ma giusto !
Me svejarò, a speto l’evento
feroce in piassa el popolo contento !
La fola sapielo xè prorio na’gran matità,
gnete se vole contro sto’ infame marcà!
I segni dimostra on mondo in afano
i schej sora de tuto, el gramo malano.
No conta pì gnente l’onesto respeto
ogni omo xe’ lupo o can maledeto.
No conta par gnente la democrassia
da sta’ guera par bande ocore scapar via !
No credo pì nel profondo, e che l’omo sia bon
Co’ quatro palanche el xè piasse cativo e cojon
La roba pì infame che possa capitare
Xe’proprio che i schej deve comandare.
Averghene tanti, o anca quei pochi…
butarli in piassa no li magna gnanca i ochi!
Ogni anema sa’ che el scheo pronto in man
no fa devantare gran Signor, nessun beco vilan.
Gnanca no mua l’ignoransa del pitoco in ben
parchè a sto’ mondo solo l’egoismo convien.
I gran siori resta chi gà anema e core
che i sogna on mondo stracolmo d’amore.
Amore, amore, amore on corno
de note magno e bevo, de giorno dormo.
Spero che forte el canto se leva
l’omo in futuro no’ fassa na’ piega.
Credo vinsa l’anarchia, co la so’ dose de utopia
Oncò el scheo xè la tomba, e la so’ gente finia.
Le tori gemele na’ gran babele, butà par tera da man crudele
rivà xè la fine che se vole qua, fare sparire sta’ civiltà !
Canteremo tuti e questo xe’ vero
lo digo mi, da solo sincero…
Bandiera nera trionfarà
Sora le macerie de sta’umanità !
Mi son, xè vero Eccelvin dal Monastero
nell’immagine: foto di Ilenia Piccioni
Sii il primo a commentare