Voio cantare, ma canto pian
solo la rason, del poro can…
i sapienti de piassa, i xe’ restà pochi
come de novembre in punaro, i pori ochi.
Tuti crede de savere, lo ga’ dito la television
ma i ga’ in te la testa nà gran confusion.
Nessuni parla se pensa a-rogansa,
invesse xe’ solo paura e i-gnoransa.
In ‘olta xe’ vero ghe xè tanto bordelo,
quel che più manca, xe’ on po’ de sarvelo
Ogni baccan vol dire la so’ rason,
mi scolto solo on antico paron.
No so’ el mentore del gramo silenzio
de le note a voio fare scempio
Canto del domo la festa centenaria
parchè xè de pochi sentirla ne l’aria.
La storia se fa anca al momento
la se vole netà e lavà col sentimento.
La se vole bela eroica e sana
no che la spussa da roja o puttana.
La se vole proprio asse decente
che’ de le ladrerie no diga gnente.
Na storia bela e presentabile
ai pori suditi, esempio, racontabile.
Gnente de vero, par carità
la storia, na fola xè deventà.
No credemo al verso giusto
tuto roerso sto mondo bruto.
Cossi qua ne resta el gran insogno
crepare par forsa par el bisogno.
Morire…Vol dire solo che xè finio
on mondo de falso incolorio.
Sii il primo a commentare